Cúrsa Léinn

L eanann Coláiste Íde clár oideachais meánscoileanna na Roinne Oideachais agus Eolaíochta. Cinntíonn ranganna beaga agus staidéar faoi mhaoirseacht torthaí maithe acadúla. Téann formhór de mhicléinn an choláiste ar aghaidh go cúrsaí oideachais tríú leibhéal.

Ábhair:
Creideamh, Gaeilge, Béarla, Matamaitic, Stair, Tír-Eolas, Eolaíocht, Ríomhaireacht, Fraincis, Gearmáinis, Bitheolaíocht, Ceimic, Fisic, Eacnamaíocht Bhaile, Staidéar Gnó, Ealaín, Cór agus Traenáil Ghutha, Cór Eaglasta agus Ceol.

Staidéar faoi mhaoirseacht.

Ríomhairí agus Teicneolaíocht an Eolais
Cuirtear cúrsaí i dTeicneolaíocht an Eolais ar fáil in ár seomra ríomhaireachta féin. Tugann an cúrsa seo oiliúnt i bpróiseál focal, bunachar sonraí, scairbhileog agus in úsáid an idirlín agus an ríomhphoist.


I dteannta oideachas den scoth trí mheán na Gaeilge cuirimid clár leathan d'imeachtaí cultúrtha ar fáil dár gcuid scoláirí ina measc rince Gaelach, ceol, amhránaíocht, drámaíocht , díospóireachtaí agus rl.

Teagascóir Gaeilge
Cabhraíonn teagascóir cáilithe Gaeilge le mic léinn a gcaighdeán labhartha/scríofa Gaeilge a fheabhsú.

Gairmthreoir agus Comhairleoireacht
Tá comhairle phroifisiúnta ar fáil do gach scoláire.

Duaiseanna
Bronnann údarás an choláiste duaiseanna éagsúla ar dhaltaí i rith na bliana - an príomhceann is ea Dalta na Bliana

Bronntar sé scoláireachtaí gach bliain ar dhaltaí na chéad bhliana a léiríonn bua ar leith sa Ghaeilge agus in aon cheann de na healaíona traidisiúnta - ceol, amhránaíocht agus rince.