Tá Coláiste Íde lonnaithe i nGaeltacht Chorca Dhuibhne, Co. Chiarraí in IarDheisceart na hÉireann. Tá cáil domhanda bainte amach ag saibhreas teanga agus cultúir na Gaeltachta seo agus is ionspioráid é an ceantar agus an cultúr do scríbhneoirí agus ealaíontóirí. I measc na scríbhneoirí is cáiliúla ón nGaeltacht seo tá údair an Bhlascaoid, Peig Sayers, Muiris Ó Súilleabháin agus Tomás Ó Criomhthain.
Deineadh na scannáin "Ryan's Daughter" agus "Far and Away" anseo. Seans gur chuala tú faoi Fungi –Deilf an Daingin atá ag cur faoi i gCuan an Daingin.
|
T
iocfaidh tú orainn dhá mhíle siar ó bhaile an Daingin ar bhóthar Chinn Sléibhe. Cuirimid seibhís bhus ar fáil go Trá Lí agus Cill Airne, mar a bhfuil na stáisiúin traenacha, chun freastal ar mhic léinn nuair a bhíonn siad ag imeacht abhaile ar saoire. Eagraímid turasanna faoi mhaoirseacht go hócáidí cultúrtha agus spóirt i rith na bliana.
